صاحب ((واقعة حقيقية تتكرر كثيرا فى مصر ))
الراجل ده عظيم جدا ...بيعيش في المكان اللي انتوا شايفينه ده وبياكل اللي بيرزقه بيه ربنا اللي مش بيزيد عن العيش الحاف او بيلقط اكل من الزبالة (بجد مش مجازا) ..وجهه الجميل المبتسم دايما وضحكته الصافية المجلجلة تخطف الروح بجد ..بيربي الكلب ده وبيحبه اوي وبيعتبره صاحبه
قعدت جنبه وكنت خايفة من الكلب ..
قالي : الكلب مش بني ادم يعني ماتخفيش منه ومش ممكن يخون...! ! لما قعدت سألته : انت محتاج ايه ؟
قالي ببساطة : لو تقدري تجيبي أكل لعاطف صاحبي ..سألت عاطف مين !! قالي الكلب ..اصله جعاان ....!!! قمت من مكاني ومدتله ايدي اسلم عليه ..لقيت عينيه رغرغت بدموع دافية ..وقالي انتي مش خايفة ولا قرفانه مني !!! عينيا انا رغرغت وانا بحاول ابقى عادية وطبطبت عليه فطبطب على كتفي ...وبقينا صحاب !! وانا ماشية كان بيشاورلي ويقولي اوعي تبقى بني ادم وتنسي صحابك !!!! واثبت المشهد بالصورة دي عشان منساش !!!
عضو في جمعية رساله
