احنا ضحايا مجتمع علمنا اننا نتريق علي اي حد في الجامعه كرر طقم لبسه في نفس الاسبوع ..
احنا ضحايا مجتمع علمنا اننا نخاف نقعد في المواصلات جمب اي حد شكله فقير علشان ممكن يكون حرامي ...
احنا ضحايا مجتمع بيخاف من التغير وبيرفضه مثلا انه ازاي بنت تبقي ظابط او مهندسه بترول او قبطان او او او ...
احنا ضحايا مجتمع مبقاش يشوف الا نوع الموبايل و الايبود اللي معاك ....
احنا ضحايا مجتمع مصالح .. معاك قرش تسوي قرش معاكش يبقي مع السلامه ....
احنا ضحايا مجتمع في الجواز اول سؤال معاه كام وابن مين في البلد وعربيته / عربيتها نوعها ايه ...
احنا ضحايا مجتمع علمنا علي الفيسبوك انك لازم ترفع صور لحاجات ماديه بتملكها علشان الناس تعرف مستواك....
احنا ضحايا مجتمع علمنا نتريق علي اي حد مش عارف يلبس كويس
و كأننا كلنا اتخرجنا من بيوت الازياء..
احنا ضحايا مجتمع علمنا ان الطالب الشاطر مابيتصاحبش الا وقت الامتحانات...
احنا ضحايا مجتمع اتربينا فيه ان لابد من رأي فرد واحد بس هو الصح و دايماً بيبقي الاب و ان اي حد جمبه غلط و من هنا اتعلمنا فكره تقديس الرأي و ان مينفعش انا و انت نبقي علي صواب....
علي فكره احنا مش ضحايا للمجتمع احنا ضحايا لانفسنا....
لو حد في يوم جه و قالك احنا ضحايا للمجتمع و عادات و تقاليد قول ليه
طب و كان فين عقلك و فطرتك و انت ماشي بتقلد تقليد اعمي غريب
