مسيحى وبفتخر: اعرفى

للبنات فقط اعرفى عريسك بدرى بدرى

اعرفى عريسك بدري بدري
1- إذا كان عادي يعني لا بياكل بسرعة ولا ببطء ولا دايمًا شبعان ولامفجوع على طول..
يبقى شخص معتدل في عواطفه وقراراته ويبقى ده آخرالرجال المحترمين..

كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب وقبل ما يقوللك ازيك يقول لك ريحة التقلية تجنن ياروحي إنتوا عاملين ملوخية على أرانب؟؟.. أموت أنا.. ويقعد ياكل ويحشر لحد ما يغمى عليه..
يبقي انسان طفس.. وهوائي.. وطايش وأوعي تتجوزيه أحسن ياكلك وانتي نايمة....؟

3- أما إذا كان مش مهتم بالمرة.. لايقولك ده
حلو ولا ده عادم ولا مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان
يبقى إنسان مالوش لزمه.. وزي قلته..

وأنصحك بدل ما تتجوزيه إتبنيه..

4- أما إذا كان بياكل زى مايكون حد بيجري ورااااه وساعة الأكل بيجيله حالة صرع معوي.. ويقوم من ع الأكل قبل أي حد تاني
يبقى متسرع.. ومتهورفي اتخاذ قراراته وممكن بعد الجواااز يكتشف إنك لست ملهمته..ولست فتاةأحلامه ولستِ حلمه..

ويروح مطلقك بالتلاتة..

إخلعي إنتي بدري أحسن لكرامتك.

5- أما إذا كان بياكل على مهله.. ويمزمز.. ف كل صنف لوحده.. ويسأل عن كل صنف إيه مقاديره ومعمول إزاااي ويقعد يستطعم ف الأكل من العصرللمغرب
حاسبي منه يا اختي ده النوع اللي له مخ.. وبيوزن الأموربطريقه تفقع المرارة.. ولو في يوم طلبتي منه يقولك كلمة حلوة هايقولك مش عاملحسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟
نظااااام شلل رعاش بدري.... بدري

إخلعي يا أمي

6- أما إذا كان بيقعد يقطع ف الأكل زي مايكون ف خناقة ويخبط فطبقه من الغل.. ويقطع حتة اللحمة زي ما يكون بيدبحها.. ويتفتف.. ويتكلم.. طول ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي ف راسك أوبالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري ياروحي هي جت فيكي.. معلش"

معلش برَّه يا حبيبي وخد الباب ف أيدك

7-أما إذا كان دايمًا قرفاااان دايمًا مش عاجبه العجب ولا الصيام في
رجب.. يع.. الملوخية تقيلة.. ياي.. السمنة كتيرة على وش الشوربة..
ياساتر.. دا محشي ولاصوابع مووووز.. أووووف.. الرز محصويل.. يامَّه
المكرونة معجنة..

إذا كان كده توكلي على الله وهاتي أحمى ساطووووورعندك
وأنا أعرف لك واحد محاميهايطلعك منها زي الشعرة م العجيييين

والأحسن من ده كله..... مالها القعدة ف بيت
أبووووووووكي؟؟

اختبار الانوثه اعرفى مدى انوثتك

مع انى مش من هواة المواضيع ديه خالص بس لقيتها لعبة ظريفة ودمها خفيف قولت نلعبها سوا ونكسر جو الملل والكأبه ده

الموضوع عبارة عن اسئلة بتجاوبى عليها علشان تعرفى مدى انوثتك ورقتك
ممنوع الغش على فكرة

- اى نوع من الالوان تفضلين ؟
1- الابيض
2- الاسود
3- الاحمر

- هل تحبين الشموع ؟

1- نعم
2- لا
3- لاتعلمين

- اى نوع من الاقمشة تفضلين ؟

1- القطن
2- الحرير
3- الدانتيل

- ماهو نوع عطرك المفضل

1- الاعشاب
2- الزهور
3- المسك

- ماهو الشئ الذى تحملينه معك دائما فى الحقيبة ؟

1- عطر
2- احمر شفاه
3- ماسكارا

- هل من السهل ان تشعرى بالخجل ؟
1- دائما
2- احيانا
3- نادرا

عندما تخرجين ما هوالوقت الذى تحتاجينه لكى تستعدى ؟

1- ساعة
2- ساعة ونصف
3- 2-3 ساعات

ماهو نوع ملابسك المفضلة ؟

1- ملابس مريحة
2- ملابس على الموضة
3- ملابس تبرز انوثتك

نموذج الاجابة

1- اذا كانت معظم اجاباتك من رقم 1

انت شخصية حالمة ولديك طبيعة رقيقة وصبورة , تملكين احساس جميل لمن حولك فأنت طيبة وعطوفة , متجاوبة ولديك احساس قوى بذاتك وتغمرك الانوثة الى اقصى درجة .

2- اذا كانت معظم اجاباتك من رقم 2

انت فنانة بطبيعتك , جذابة وصادقة , اناقتك وسحرك وذوقك الرفيع يجذبون اليك الجميع ,احساسك بجمالك وانوثتك يظهرون فى مظهرك الخارجى للجميع فيعجبون بك .

3- اذا كانت معظم اجاباتك من رقم 3

انت شخصية واثقة من نفسها فاتنة ومثيرة
لكنك لا تظهرين هذة الصفات للجميع وهذا ما يجعلك ذات انوثة خاصة, ثقتك فى انوثتك تغنيك عن ان تظهرى كل رقتك وانوثتك للناس .